رأس الحكمة تنقذ مدبولي وتطيح بوزراء المجموعة الاقتصادية

رأس الحكمة تنقذ مدبولي وتطيح بوزراء المجموعة الاقتصادية

حان وقت التغيير.. بعد ما هديت هوجة صفقة رأس الحكمة واللي بعدها من صفقات استثمارية ضخمة وبكده نقدر نقول للحكومة نشكركم على حسن تعاونكم معنا لكن التغيير ضروري وبقى مطلوب في الفترة الجديدة والمرحلة المختلفة اللي داخلة عليها مصر.. 
كل وزراء الدكتور مدبولي اجتهدوا على قد ماقدرو ومفيش وزير عاوز يفشل ويطلع من الوزارة لكن من الصعب جدا الوزير ينجح على طول الخط وفي نفس الوقت مش معني تغير الوزير إنه فاشل لكن عادة بتكون تغير للدماء وتجديد النشاط والأفكار والرؤى ودا لأن الوزراء بيتم اختيارهم بشكل صارم جدا وبعد معلومات وتقييم وقدرة على تحمل المسئولية.

بمناسبة تغيير دماء الحكومة والاستعداد للمرحلة الجديدة وخاصة تطورات الملفات الاقتصادية وصفقات الاستثمار الضخمة مصادر مطلعة أكدت لبانكير إن فيه تغيير وزراء خلال أيام قليلة.
وأهم ملامح التغيير الوزاري هو خروج وزراء المجموعة الاقتصادية وفي مقدمتهم الدكتور علي المصيلحي وزير التموين والدكتور محمد معيط وزير المالية وباقي وزراء المجموعة زي المهندس طارق الملا، وزير البترول والثروة المعدنية، والدكتورة رانيا المشّاط، وزيرة التعاون الدولي.